Plantun de Prouvènço

Pèr coumpara dos planto d'encò nostre

Festuca nigrescens & Juniperus thurifera

Festuca nigrescens

Poaceae Graminaceae

Nom en français : Fétuque noirâtre.

Descripcioun :
La petugo-negrinello trachis dins li bos e tepiero un pau umido de mountagno. Se recounèis à sa souco en mato, si fueio redounello emé de pichòti costo, e à sis enflourejado en paumo laco emé d'espigueto pas trop grosso, un pau rougineto e que porton uno pichoto arèsto. Fai parti dóu group Festuca rubra s.l. que la fueio en coupo èi de formo pouligounalo (dessin). Se destrìo de la festuco-roujo que fai de mato e pas de rizoumo ; èi peréu mens roujo. Coumpara emé la festuco-roujo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 90 (120) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun

Liò : Prado umido - Ribiero - Colo - Tepiero seco
Estànci : Mountagnard à Subaupen
Couroulougi : Pancaro entresigna
Ref. sc. : Festuca nigrescens Lam., 1788 (= Festuca rubra subsp. commutata (Gaudin) Markgr.-Dann., 1968 )

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).